Hoxe celebrouse a XII Xuntanza de Palilleiras de Ferrolterra, con unha nutrida representación de mulleres do grupo da Agrupación Instructiva de Caamouco que foron á Xuntanza xunto con outras da Asociación de Amas de Casa de Ares, coa que comparten actividade coas ensinanzas de Clara.

A asistencia foi numerosa, tanto de palilleiras e de expositores como de visitantes. Alí estiveron compartindo tempo, curioseando diseños vidos de outras zonas e amosando o seu traballo.

Esta afición, que se desenvolve en Caamouco dende hai varios anos, cumpre cos obxetivos de ser un mecanismo de relación social, fomenta actividades de expresión artística e contribúe á propagación desta fermosa tradición.

Noraboa á organización e noraboa ás participantes.

Redes asistiu a importantes cambios durante estes anos, alguns promovidos pola administración, pero outros que xurden dende o ámbito da iniciativa privada. Dentro destes últimos, apareceu unha pequena promoción de tres vivendas, que veu a transformar totalmente a imaxe tradicional do cruce de Redes vindo polo Carballo, imaxe que xa fora modificada coa tala das árbores tempo atrás.

Afortunadamente son poucas vivendas e están separadas, pero desafortunadamente son iguais. E ser igual, nun entorno como Redes, no que a singularidade de cada casa é parte da singularidade do conxunto, é penoso. E máis tendo en conta a visibilidade deste grupo de vivendas.

Estes feitos plantexan a necesidade de contar cun planeamento que, considerando a singularidade do pobo de Redes, plantexe un desenvolvemento urbano acorde co conxunto, evitando a súa transformación nun sitio calquera.