Doble Campeón do Mundo

Xoves 27 Setembro 2007 at 4:54 pm Pois por segundo ano consecutivo un veciño na tripulación Campeona do Mundo de Vela Clase IMS 670. Este ano co nome de NAVANTIA, en augas de Sanxenxo, Juan Filgueira e os seus compañeiros traballaron duro, e foron de menos a máis, chegando ao último día de competición cunha vantaxe mínima. O alto nivel fixo unha competición moi pechada, na que o máis mínimo erro levaba a alonxanse do grupo de cabeza. Pero nas dúas últimas mangas o Navantia firmaba unha actuación excepcional e deixaba ben claro que era o número ún. Noraboa a Juan e ao resto do equipo.

Verán 2007

Martes 25 Setembro 2007 at 4:16 pm

Ainda que o "caamouco virtual" non estivo moi activo, o "real" si, e moito.

O Carmen que recupera tirón, unha invasión dos de Río Castro, e outra dos nosos a recuperar o perdido e que foron unha auténtica diversión para moitísima xente, unha regata de vela tradicional que cada ano é mellor, e moitas pequenas e grandes cousas que animaron o verán Redeño.

Por outra banda, unha Area Morta que estivo chea de xente como non se lembraba, cunhas obras que recuperaron a praia para o desfrute de todos, ainda que se botou en falta un pouco de mantemento. Mentres no camiño de Sabadelle "xurdiron" unhas pedras que foron, ou son, parte da polémica.

E ao mesmo tempo que acontecía todo isto, nas augas da nosa Ría, unha loita sen cuartel tiña lugar, o desafío Abur - Sauntress, esta pequena Copa América, viviu horas de grande emoción e tensión nun duelo dos grandes entre os grandes, para, ao final, decantarse do lado do visitante, que xa case non o é. Vendo o espectáculo que diron os dous, algúns chegamos a pensar se non estarían en nómina de Turgalicia, porque as saidas dos dous barcos foron un auténtico reclamo.

Setas 2007

Martes 25 Setembro 2007 at 11:40 am

Ainda que non choveu todo o que alguns querían, xa empeza a campaña de setas.

O plan inicial son saidas os sábados que van dende o día 29 de setembro ata o 27 de outubro, salvo o do 13. As saidas faranse ás 8:00 da mañán dende os locais de Agrupación Instructiva de Caamouco, a donde toque, e logo pola tarde, ás 17:30, xuntanza de novo para examinar e limpar a colleita, charlas, proxeccións... e sesión de cociña.

As saidas propostas son: 27/9 Capelada, 6/10 Monseibán-Muras, 20/10 Momán, 27/10 PenaFesa.

O prezo da inscripción son 12€ para socios e 15€ para os non socios, contactar coa organización por si se supera o límite de prazas (30).

Na primeira convocatoria, non esquezades, ás 8:00 con carabel, navalla, pano, e roupa de abrigo ou de auga según o que vaia.