I Xuntanza de Outono “Parroquia de Caamouco”

Sábado 14 de Novembro

O Club Marítimo de Redes organiza para os afeccionados ao wíndsurf, no Cámping do Raso, unha pequena competición co obxecto de promover este deporte na bisbarra de Ferrolterra.

As clases participantes serán as de Fórmula Windsurfing, Raceboard, Techno e unha clase Open.

Para as clases FW, Raceboard e Techno o percorrido consistirá nun circuíto de boias tipo triángulo olímpico, cun barco de comité encargado de dirixir a saída e a chegada. Se a meteoroloxía o permite, realizaranse 4 mangas para cada clase.

A duración de cada manga será de aproximadamente 25 min existindo un tempo de descanso entre manga e manga duns 10 min.

Para a clase Open o percorrido consistirá en dúas boias colocadas ao través para realizar unha proba tipo Slalom en "oito". Segundo sexa a dirección do vento, a saída terá lugar dende a praia ou ben dende a auga controlada por un barco de comité que podería ser o mesmo que para as outras clases. Se a meteoroloxía o permite, realizaranse tamén 4 mangas a duración das cales será duns 5 min.

O programa para este día será o seguinte:

• 11:30 Recepción dos participantes no cámping para a formalización de inscricións e entrega de obsequios.
• 12:45 Reunión de patróns.
  
• 13:30 Comenza a competición realizándose todas a mangas descritas anteriormente. Para iso, a duración estimada será de entre 3 e 4 horas.
• 18:00 Entrega de trofeos seguida dun aperitivo no mesmo cámping.
  
• 20:00 Remate do evento.
  

Inscripción

A inscripción é obligatoria para todos os participantes.

O prazo de inscripción remata o 12 de novembro de 2009 ás 22:00 horas.

A inscripción inclúe bocadillo, fruta e bebida, que se entragará no momento de chegada á zona de inscripcións xunto cun agasallo, tamén inclúe un aperitivo que se servirán aos participantes logo da entrega de trofeos.

O prezo da inscripción é de 10 euros que se farán efecivos no nº de conta 2091-0211-21-3040001806 (Caixa Galicia de Ares).

Unha vez feito o ingreso débese enviar un correo electrónico a Este enderezo de correo-e está a ser protexido de robots spamers, precisas activar o JavaScript para velo cunha copia do resgardo do ingreso xunto cos seguintes datos:

• Nome completo do patrón.
• DNI
• Tlfno. de contacto e horario de contacto.
• Enderezo de correo electrónico.
• Lugar de procedencia.
• Clase na que participa. Raceboard, Fórmula Windsurfing, Techno ou Open.
• Número de vela. En caso de non ter, poñerase un provisional que se confirmará na zona de inscripcións. O número de vela deberá figurar na vela en tamaño grande e lugar visible polos xuices.

A inscripción completarase o día da xuntanza na zona inscripcións.