Agora en CaamoucoNet pódense consultar os horarios dos cursos, exposicións, conferencias, ceas... e outros eventos dos que teñamos constancia. Por suxerencia da Agrupación Instructiva de Caamouco (entidade asociada a CaamoucoNet), incorporouse a sua axenda de actos e actividades, que pode ser consultada nas súas páxinas. Pero ademáis tamén contamos con axendas para cada unha das Sociedades Deportivas e Culturais, tamén asociadas, e outras que poideran organizarse no noso entorno. No menú da esquerda comprobaredes que está a nova opción de AXENDA, no que aparece a programación combinada de canto se nos achega a través da ferramenta de calendarios de Google.
M... por un tubo en Almieiras
Como se pode comprobar no video, augas fecais e industriais que veñen dende o Polígono de Vilar do Colo e ás que se van sumando os distintos saneamentos dos lugares polos que pasa, saen libremente pola rebanqueira de Almieiras.
Non é que estas augas antes non acabaran na nosa ría, que si que ían a ela. O problema consiste en que o emisario submarino que disimulaba este verquido procedente do concello de Fene escachou hai algo máis dun mes porque estaba todo aturado.... e agora saen e cheiran por esta fermosa praia sin disimulo ningún.
A solución non está tanto en arranxar o emisario, que non é máis que un disimulo que evita os cheiros á xente toma os seus baños inconsciente do que sae un pouco máis alá, como en que rematen todas esas obras aquí e alá que permitirán a depuración coa EDAR.
Co da EDAR, a ver si fan o mesmo outros concellos que verten as suas augas na ría...
A AIC organizará un Curso de Informática Básica
De cumprirse as expectativas de participación, a Agrupación Instrutiva celebrará en breve un Curso de Informática Básica, que será impartido por un mestre especializado. A Tenencia necesita saber cantas persoas se inscribirán, pois para este curso é necesario que a AIC adquira novos ordenadores e material. De haber un mínimo de interesados o curso impartiríase dous días á semana en horario de tarde. Polo tanto, todos os interesados no curso deberán deixar no buzón da Escola o seu nome e teléfono, indicando "Curso Informática" ou tamén chamando ó 676725201 antes do 1 de xaneiro.
Farmacia Freire
Pois si, anque nos limites, Caamouco conta con unha farmacia, a Farmacia Freire.
Ademáis dos servizos farmacéuticos conta con outra serie de productos que son habituais neste tipo de establecementos, como temas de hixiene corporal, bucodental. Ofrece ademáis consellos farmacéuticos, por esto de non caer na automedicación.
Preto da Ponte da Ciscada, no N2 da Avenida de Redes. Tfno 981448029.
Cursos de Vela 2010
O vindeiro mes de marzo darán comezo os cursos de vela e windsurf do Club Marítimo de Redes.
Os cursos se impartirán durante os meses de marzo, abril, maio e xuño.
As clases serán de un 1 día á semana e de 2 horas de duración.
