Para poñer remedio a precariedade do ensino na parroquia, os emigrantes que se atopaban na Habana fundan, ano 1911, a Agrupación Instructiva de Redes-Caamouco, construindo a escola da Tenencia, ano 1914.  Exemplar institución que ainda hoxe se encontra activa.

Como persoas relevantes da etapa fundacional, hai que destacar a D.Modesto Casal e D.José Cerdido, presidente e secretario da Xunta Directiva residente na Habana. A Delegación de Caamouco estaba formada por D.Nicolás Noche, presidente, D.Cesáreo Seijas, vicepresidente, D.Vicente Seijas, secretario, D.Juan Pérez Pico, vicesecretario, D.Nicolás Casas, tesoureiro, D.Valeriano Rojo, vicetesoureiro, D.Francisco González, D.Enrique Prieto, D.Francisco Anca e D.Fernando Anca, vogais.

A Guerra Civil supuxo para estas institucións escolares laicas, o remate duna labor auspiciada dende alén do mar. Na ética imposta polos vencedores da contienda, non tiñan cabida estas institucións, laicas e nadas ao caron dun ideario progresista, fruto dunha liberdade de pensamento e de acción. Por estas e outras razóns, as escolas cesaron na sua actividade escolar, moitas perderon a sua condición de sociedade privada e pasaron a ser institucións do Estado, outras coma a Agruapación Instructiva de Redes- Caamocuco, conservaron o seu carácter privado. D. Francisco Bello Casteleiro, foi o home a quen se debe que a escola non fora incautada, el defendeu ante as autoridades provinciais do reximen, incluso con risco para a súa integridade persoal, o carácter privado e negouse a que fora transferida, quedando nas mans dos socios que tanto traballaran para facela realidade.

Reconvertida en escola do Estado, pero sin perder a sua condición de sociedade privada, mantivo sua actividade escolar ata o ano 1973, momento no que se realiza a concentración escolar en Ares.

Para a inauguración do centro escolar de Ares, levanse todos os mobles das aulas e dependencias da Tenencia, quedando o edificio escolar totalmente desmantelado, despois de 59 anos de servicio á xuventude da bisbarra e en particular da Parroquia.

No ano 1974, se constitue un aula para párvulos que devolve ao fin fundacional o edificio da Tenencia. A persoa que se significou neste empeño, foi D. Francisco Blanco Bonome, persoa emigrada na Habana durante a maior parte da súa vida e retornado ao Porto de Redes despois do triunfo de Fidel Castro.

Coa cegada do ano 1988, un grupo de socios plantexa dinamizar a sociedade, que ainda se mantiña constituida, e propon recuperar o edificio, deteriorado polo paso do tempo nas suas estructuras de madeira, e sin deixar o fin fundacional, mantendo a escola de párvulos, reconvertilo nun centro cultural.

Transcurridos quince anos dende o comenzo da etapa renovadora, a transformación que se produxo na sociedade representa a andaina dun grupo de socios, empeñados en aquel espiritu dos emigrates, que se materializou na Tenencia, cheo de entrega e amor a xuventude e a cultura, este presente nas actividades que se veñen desarrollando.

Hoxe, o impulso renovador esta dando os seus frutos. Dende a Sociedade se lidera a recuperación histórica da Parroquia, con diversos traballos: revista de Historia Local “A Tenencia”, video “Lembranzas dun Pobo, Redes 1912-1958” e ártigos diversos en prensa radio e televisión.

Recuperanse as tradicións populares: Magosto e Samain, Festa da Sardiña, Festa do Antroido, etc. Tamén se atende a formación cultural e artística con talleres de manualidades, clases de música, pintura, fruticultura, etc.

Toda a actividade desarrollada na Sociedade ten carácter aberto a todos os veciños e a consolida como dinamizadora da Parroquia.