A Agrupación Instructiva de Caamouco está situada no lugar de A Tenencia, parroquia de Caamouco.

O xeito máis sinxelo de chegar e tomando a carreteira que vai de Redes a Ares, e sempre nesta dirección, colleremos o segundo camiño que atopamos á nosa man esquerda. Este camiño está indicado na man dereita cun indicador que pon "Club de Tenis", e na man esquerda, pegado a un muro, cun indicador no que, entre outros, lemos o nome da Sociedade.

O edificio da Tenencia abriu as portas no ano 1914 conservando a día de hoxe o seu aspecto exterior prácticamente igual que cando tivo lugar a súa edificación.

Nos últimos anos a Sociedade realizou un grande esforzo de renovación e actualización do edificio que deu lugar a unha nova distribución dos espazos e dos seus cometidos. 

Estamos a falar dun edificio de planta rectangular, dividido en duas ás por un corredor central.

Na parte norte atopamos o salón de actos. Na sección correspondente ó Sur temos tres prantas: