|
Mércores, 27 Xaneiro 2010 |
|
| O vindeiro venres na Agrupación Instrutiva de Caamouco celebrarase unha conferencia sobre Nutrición, organizada por uns especialistas no tema.
Na charla daranse consellos ós asistentes para garantir unha boa alimentación e mellorar a saúde.
Por asistir, agasallarase a cada persoa cun estudo personalizado de hábitos nutricionais.
O venres 29 de xaneiro na AIC ás 19:00h.
<< máis datos pinchando na imaxe
|
|
|
Luns, 25 Xaneiro 2010 |
 |
|
A Agrupación Instrutiva de Caamouco celebrará os Bailes do antroido o vindeiro sábado 13 de febreiro.
Ás 17:30 dará comezo o baile infantil.
Ás 23:30 comezará o baile para os mozos e os maiores.
Os dous bailes estarán amenizados polo trío "Mar de Mares". Ademais, en cada baile, sortearase unha caixa con produtos típicos do antroido.
|
|
|
Sábado, 16 Xaneiro 2010 |
|
|
A Agrupación Instrutiva de Caamouco ten previsto para o sábado 23 de xaneiro os seguintes actos, co gallo da celebración do San Vicente.
- Pola mañá ALBORADA pola parroquia co grupo de Gaitas da Sociedade.
- Ás 23:30h Baile na Tenencia amenizado polo dúo do Ferrol "M. Pereira e Felo".
Ademáis, a Xunta Parroquial organiza as seguintes Misas Solemnes:
- Sabado 23, ás 18:00h, na honra de Santa Lucía.
- Domingo 24, ás 11:00h, na honra de San Vicente.
| |
|
Martes, 22 Decembro 2009 |
|
 O Concello de Ares ten programadas as seguintes actividades para o Nadal en Caamouco:
* 24 de decembro: cabalgata de Papá Noel ás 16:30 aproximadamente pola ESCOLA DA TENENCIA, que por mor das obras ainda non está listo o carril-trineo en Redes.
* 4 de xaneiro: na Agrupación Instrutiva, xornada de xogos lúdicos sen límite de idade. De 11 a 13 horas.
* 5 de xaneiro:cabalgata de Reis Magos ás 16:30 aproximadamente en Redes, posiblemente sexa tamén na ESCOLA DA TENENCIA.
Actividades organizadas polo Concello de Ares que contan co apoio e a colaboración da Agrupación Instrutiva de Caamouco. |
|
Mércores, 09 Decembro 2009 |
|
|
A Agrupación Instrutiva de Caamouco celebrará o vindeiro venres 11 de decembro ás 19 horas unhas Conferencias sobre Froita Autóctona, da man do experto en froita do país Ramiro Martínez Picos, que ha dar as claves para a conservación das variadades propias da zona e a distinción das mesmas polas súas características. Falará, asemade, das peculiaridades organolépticas e morfolóxicas das variedades, así como dos pasos a seguir para e elaboración de sidra artesanal con mazás autóctonas, entre outras cuestións.
Esta iniciativa é de libre acceso e conta co apoio da Asociación Galega de Froita Autóctona do Eume e da Agrupación Instrutiva de Caamouco. | |
|
Sábado, 05 Decembro 2009 |
|
|
A Agrupación Instrutiva de Caamouco celebrará este ano o habitual Concerto do Nadal o sábado 19 de decembro ás 19:00 horas.
Nesta ocasión actuarán "Sonidos del Alba" dirixida por Raúl Almandos e "Trobadores de Ares" á fronte da que atopa Leovigildo Illobre. Interpretarán un amplo repertorio de cancións populares, habaneras e panxoliñas. Logo do Concerto, a AIC quere felicita-lo Nadal a tódolos asistentes cunha merenda gratuita no local da Tenencia. | |
|
Martes, 03 Novembro 2009 |
|
 O Samaín é unha festa de orixe celta que conmemora a chegada do Ano Novo celta e o comezo do inverno. A noite do 1 de novembro, os espiritos dos mortos achegábanse ata o mundo dos vivos para poder estar xuntos outra vez. Era costume facerlle ofrendas ós espíritos e deixarlles comida para que se sentisen ben. O cristianismo pretendeu eliminar este rito pagán conmemorando o Día de Tódolos Santos.
A tradición de tallar cabazas ten como finalidade rendirlle culto á morte. É unha tradición extendida por toda Galicia que dende hai uns anos se intenta non perder. A Agrupación Instrutiva celebra o sábado 7 o seu Samaín, axudando deste xeito á recuperación dunha festa ancestral.
|
|
Venres, 30 Outubro 2009 |
|
|
TÓDOLOS SÁBADOS DE 10 A 12
A Agrupación Instrutiva de Caamouco presenta, dentro da súa programación 2009-2010, o Curso de Froiticultura. Nesta iniciativa, os alumnos poderán coñecer as técnicas de plantación, poda, inxerto e tratamento das enfermidades das árbores froiteiras e hortalizas.
Cada ano son máis as persoas que se achegan ata A Tenencia para formar parte dunha actividade que, ademais de entreter, permite coñecer e tratar moito mellor a nosa horta.
| | Máis información no 676725201, en
Este enderezo de correo-e está a ser protexido de robots spamers, precisas activar o JavaScript para velo
ou aqui. | |
|
Venres, 30 Outubro 2009 |
 |
|
A Agrupación Instrutiva de Caamouco celebrará un ano máis o tradicional Magosto e Samaín. Será o vindeiro sábado 7 de novembro. As actividades programadas son as seguintes:
As 11:30 xuntanza de nenos e nenas no "Taller do Samaín" con cabazas. De ser posible cada participante traerá a súa cabaza e a ferramenta que necesite.
As 18:30 exposición das cabeiras do Samaín e Magosto; con castañas, arenques, viño e requeixo da Capela. O grupo de gaitas da Agrupación encargarese da parte musical. | |
|
Sábado, 24 Outubro 2009 |
|
|
REPORTAXE. UNHA TARDE CO GRUPO DE PINTURA DA AIC
Cada venres, dende hai xa uns cantos anos, un grupo de veciños reúnese na Agrupación Instrutiva de Caamouco para practicar unha das súas meirandes aficcións: o debuxo e a pintura.
Moitos deles xa son uns auténticos profesionais nisto dos lenzos e dos pinceis...hai outros que van máis pouquiño a pouco, ninguén lles está a meter présa.
Chegan, xúntanse, parolan, merendan e se relaxan ao redor de cores, láminas e cafés...todo por pasar un bo anaco.
E é que nalgunhas veces o de pintar ou debuxar convértese en secundario... o importante son outras cousas. Por iso que non é necesario ter coñecementos previos de pintura nin moito menos para achegarse nunha tarde de inverno ata A Tenencia e adentrarse nun novo mundo que nos descubrirá moito máis que unhas técnicas ou uns cantos consellos. |
|
|
|
|
