Calendario de reservas da Agrupación Instrutiva de Caamouco

Este é o calendario de reservas da Agrupación Instrutiva. Se queres solicitar o uso das nosas instalacións envía un WhatsApp ou chama ao 680 16 19 29.
As actividades e cursos da Agrupación prevalecerán sempre sobre calquera outra.

Con Wikimapia temos a posibilidade de descubrir os lugares cos vellos nomes de Caamouco e de engadilos nós mesmos, ademáis de fotos, comentarios....

Mónaco capital...

¡Moscú!

Si, Mónaco podía ter tantas capitais como rapaces participaran no xogo. Xogabamos na estrada, diante do Club. Eramos un bo número de nenos e nenas a propoñer capitais para o Principado, pero só un elixía o que correspondía en cada partida.

Mónaco capital...

¡Berlín!

A verdade é que non lembro ben como iba a cousa. Un pandaba (sería Mónaco, supoño) mentres os outros... ¿corrían cara Mónaco? ¿Quedaban quietos ata que o que pandaba decidía cal era a capital de Mónaco? ¿e entón que pasaba?

Mónaco capital...

¡Mónaco!

O certo e que non lembro moi ben o xogo, pero si por que xogaba. Claro, por pasalo ben e por... Eu, supoño que como a maioría dos nenos da miña idade, estaba permanentemente namorado naquel entón. Pandar e nomear capital, sendo a capital aquela na que "vivía" a miña namorada, era unha experiencia que iba moito máis aló do que pode describirse. Penso, ademais, que debía haber algunha forma de contacto, algún roce necesario para remata-la partida, algo que me facía ascender ao ceo e precipitarme ao inferno dunha vez, ao mesmo tempo. Xa vos dixen que non hai palabras para describilo. Só sei que Mónaco será por sempre o país da miña infancia.

Javier Yáñez